దేవుని వద్ద కొబ్బరికాయను కొట్టేది ఎందుకు ?

ఓం నమో పరమాత్మయే నమః 

ప్రతి ఒక్కరు దేవుని ముందర టెంకాయ కొడతారు. ఎందుకు కొడతారో ఎవరికీ తెలియదు. నిజానికి మన పెద్దలు ఒక మంచి కార్యం(జ్ఞానబోధ) కోసం టెంకాయ అనే ఒక కాయ ద్వార మనకు జ్ఞాన సందేహాన్ని తెలుపడానికి వారు ఆ విధంగా టెంకాయను పరిచయం చేశారు. కాని మనం మాత్రం దేవుని ముందర టెంకాయ కొట్టి కోరికలు కోరుకుంటే అవి అన్నియు నెరవేరుతాయని మనం టెంకాయను కొడుతున్నాము. నిజానికి మనం కోరుకోడానికి పుట్టలేదు. అజ్ఞానంతో ఏర్పరచుకున్న కర్మలను తొలగించుకోవడానికి పుట్టాము. ఇది తెలుసుకోండి. దేవుని ముందర కోరికలను కోరవద్దు. నీకేమి అవసరమో ఆయనకు తెలుసు.

ఇంకో విషయం ఏంటంటే టెంకాయ కొట్టిన తరువాత అందులో మోసు (అంటే లింగాకారంగా) వచ్చిందంటే చాల మంచిది అని కూడ అంటారు. అవును అండి నిజమే..! కాని టెంకాయను(మనస్సును) పగలకొట్టి లోపల మోసు(ఆత్మ) ఎలాగో, అదేలాగు నీ మనస్సును నశింపజేసి ఆ భగవంతునిని నీ హృదయంలో దర్శించుకోవడం అని దాని అంతరార్ధము. అంతేకాని, నీకు ఎదో కోట్లు కోట్లు డబ్బులు సంపాదించకుండానే వస్తాయి అని కాదు. అంతరార్ధాన్ని గ్రహించండి. సత్యాన్ని తెలుసుకోండి. దానిని మీ పిల్లలకు తెలియజేయండి. మన వాళ్ళు అంతా కళ్ళున్న గుడ్డి వాళ్ళ మాదిరి నడుస్తున్నారు. మన పిల్లలకు అన్న అన్ని విషయాలు తెలుసుకొని వారికి మంచి బంగారు భవిష్యత్తు అంటే ఆ పరమపదం చేరే మంచి బాట (దారి) ని తెలుపండి. ఆ దేవదేవుని మార్గమైన మోక్షమార్గం ఒక్కటే శాశ్వతం. మిగిలినవి అన్నియు అశాశ్వతం. మీ పిల్లలను చిన్నప్పటి నుండే ముముక్షువులుగా మార్చండి అంటే మోక్షం పొందాల అనే ఒకేఒక ఏకైక లక్ష్యాన్ని ఉంచుకోమని వారికి తెలియజేయండి. చిన్నపాటి నుండే యోగాభ్యాసాన్ని అలవాటు చేయండి. చిన్నప్పుడు అయితే వారి మనస్సు నిర్మలంగా ఉంటుంది, వారు తొందరగా ఆ దేవదేవునిని హృదయంలో దర్శించుకోవచ్చు. మీ పిల్లల భవిష్యత్తును మంచి మార్గంలోకి తీసుకెళ్ళండి.